Themabewertung:
  • 1 Bewertung(en) - 5 im Durchschnitt
  • 1
  • 2
  • 3
  • 4
  • 5
Mundart Gedichte
@Powerlady  Kiss

Liabe Freindin, loss dir sog’n
plogt des Schicksoi di grod schwer,
bitte, tua mir ned verzog’n,
setz voi „Power“ di zur Wehr!
[Bild: 104.gif]
Unvahoffte dunkle Schotten...
san de Prüfung auf da Erd’...
lossn tückisch uns ermott’n
und oi Frohsinn wird vawehrt.
Sorry
Oba ned in uns’ra Runde!
Wo de Verserlfreindschoft blüaht...
wo liab’ Wort aus oller Munde
stärk'n d' Hoffnung und ’s Gemüat.
[Bild: 123.gif]
Kimm, und fühl' di stoark verbund’n…
fest umoarmt!  …spür’ Kroft und Muat!
Du soist uns recht schnö gesund’n..
stoark und fit sein… und voi Gluat!
[Bild: 110.gif]
Tausend Wünsch' mecht i dir send’n
und a gonzes Ros’nbeet!
*Zuversicht* von ollen Wänd'n -
weil des Leb’n jo weiter geht….
[Bild: smilie_wet_166.gif]
Oiwei… und oiwei wieder….

[Bild: smilie_wet_128.gif]
[+] 2 users Like Khalissi's post
Antworten
du und I unterm regenschirm behütet und beschützt
weu der schirm auf olle fälle recht vü nützt.
des is a guates gefühl so mit dir drunter steh
des is beruhigend und a recht sche
ziag ma uns de schuach aus und hupf ma in´d pfützen
des is a tolles gefühl, es muas a kan wos nützen
zurückversetzt in unsere kindertage
herrliche gedanken keine frage.


mjf
[+] 1 user Likes powerlady's post
Antworten
Mei do bin i auba froh
des Madl mit da Kroft is do

i hoff de hom dia di ned zvü gmatat
waunst jo sogst i glei hinfohrn tatat
i tatat olle sou vahaun, danoch schauns
de zwöf Apostl fir a Reibabande aun
sog Powermadl geht’s da wui guat
sunst miast i wanan in anem furt[Bild: cry_1.gif] 
                             Jeder darf seine Meinung äußern und vertreten!

                           Ich bestehe aber darauf, dass man sich meiner anschließt!
[+] 2 users Like obelix's post
Antworten
zum plärrn gibts do nix
des is scho amol total fix
hot ma wos, wos an gfollt
donn neamd mehr grollt.

Beim Rafn kummt a nix ausa
ausa man is a süchtiga Lausa
donn suacht ma si an hårtn Bam
und haut zua gleich wia daham.

Dea Bam sogt nix, oba ea stüll locht
de Schleg hom eam nix ausgmocht
donn hassts an Vabond onbringen
und di Knochn heiln bevur se on an Bam singen

Zwinkern ROFL
[+] 1 user Likes Egopalle's post
Antworten
@ Egopalle  Zwinkern


Palli, hi! Wia geht’s dein' kloanen
Mietzekatzi? Tuats nu woanen?
Oder is's mit Saus und Braus
scho da Chef bei dir zu Haus?
[Bild: 139.gif]
Woaßt, sei Nome losst erahnen,
dass er se sein' Weg wird bahnen!
LEO = ist der Löwenmonn -
den nix und neamand zähmen konn.
[Bild: 5.gif]
Söbstbewusst werd er rumbrüllen..
(und se in Mysterium hüllen [Bild: 123.gif])
werd de Ondern kommandiern!
Und - noch Lust - a gern vaführ’n.
[Bild: 156.gif]
Stoiz und edel, voller Power
wird der „LEO“ sötn sauer.
Na, er is a Sonnenschein..
mit dem ma nur konn glücklich sein!
[Bild: 12.gif]
Souverän in jeda Weise...
g'winnt da LEO olle Preise.
Zu dein' königlich'n Tier -
Palli, gratulier i dir!
Daumen hoch  [Bild: 227.gif]  Lachen
[+] 1 user Likes Khalissi's post
Antworten
Khalissi, i mecht do nix vaschrein
und am liabstn aufn Bodn bleibn
man konns jo nia genau wissn
wos amol draus wiad und niedagrissn.

Jo, wia a Löwe geht ea schon dron
ea is oba noch klan, oba wos ea konn
des is ea frisst wia a groassa Kota
und adoptiat mi scheinboar ols Vota.

A so a orientala Kota flitzt bei mia vorbei
man kennt glabn dea regiat fia zwei,
sei Frauli hot schon reserviat zwa Kotzn
mit de ea sollt zeugn a poar klane Rotzn.

Zan Glück dauert des noch a gonze Weil
zerst muass ea woxn bevur ea werd so geil
doss er de zwa Siamesinnen onspringt
und mit sein Limpele senen a Liadl singt  Lachen

Schen ist dei Gratulation oba de ghert da Frau
de då Chefin is und olls waass so gonz  genau
i werds ihr sogn und sie werd sich sicha frein
und noch mehr Freidntränen driba streun

Zwinkern Lachen Winken Kiss
[+] 1 user Likes Egopalle's post
Antworten
Oiwei schau i noch da Lady
ob’s uns ned moi kurz beehrt?
So a Riesen-Freid donn hätt i,
dass' mir war' a Festmoih wert.
Daumen hoch
Auffoahrn tat i olle Schätze,
de mei Keller guat vawohrt!
Aufi -  obi, schnö i wetze -
um ois Guade, des i g’sport.
Prost
G’sport für schene Aug’nblicke,
de’s ned oiwei gibt, im Lebn.
Deswegen i a Botschoft schicke:
Lady, kim, mia woin oan heb'n.
Kiss Auf DI! Freunde
Antworten
heast koarl kumm owa hüf ma do amoi gach
meine kniea san scho gonz wach

i wü den kosten zammen baun
owa I fong ollweu von vurn wieda aun

de tia is ma scho zwamoi aussegflogen
I wü nimma des is net gelogen

da koarl stapft owa an stock
da hauns schnauft wia a oida bock

da schwitz rinnt eam owe überoi
sei leistung woa goa net toi

da kosten windschief und geht nix weida
da koarl schaut und wird longsom gscheida

er sogt zum hauns, wos host denn gmocht?
und jetzt heat ma wie er leise locht,

des is ka kosten sondern a garderob
na geh hea in gottes lob

wast du nimma wos kauft host hauns?
des san jo schene taunz

los mi nua mochen und schau zua
füa heit host vom baun scho gnua

so ans zwa drei und viere de schraufen san drinn
de garderob hängt im vurzimma, durt ghörts hin

da hauns schaut wia di kua vom laund
weu da koarl is jo ollerhaund

an kosten hob I kauft, jetzt  hob i a gadrob
doch dem koarl gebührt des große lob

I häng mei wäsch hoid draußen auf
und daun pfeif i wirkli drauf.


mjf
[+] 1 user Likes powerlady's post
Antworten
khalissi, du und I unterm regenschirm behütet und beschützt
weu der schirm auf olle fälle recht vü nützt.
des is a guates gfühl so mit dir drunter steh
des is beruhigend und a recht sche
ziag ma uns de schuach aus und hupf ma in´d pfützen
des is a tolles gefühl, es muas a kan wos nützen
zurückversetzt in unsere kindertage
herrliche gedaunken keine frage.



mjf
[+] 1 user Likes powerlady's post
Antworten
mei liabe khalissi,

I daunk da sche fürs in kölla geh
do siach I jo wunderbore sochen steh
des gfreit mi jetzt wirklich sehr
und peitlt mi so richtig her.
oba a räuscherl werd I sicha kriagn
und hoffe net üba de stiagn owe fliagn
I hob jo kan geburtstog warum ma trinken kunt
owa I glaub mia finden an guaden grund.


mjf
[+] 1 user Likes powerlady's post
Antworten


Möglicherweise verwandte Themen...
Thema Verfasser Antworten Ansichten Letzter Beitrag
  Gedichte Loisi5 13 3.980 12.05.2019, 19:51
Letzter Beitrag: obelix
  "Oma-Gedichte" frikota 29 11.260 23.10.2016, 06:21
Letzter Beitrag: powerlady

Gehe zu:


Benutzer, die gerade dieses Thema anschauen: 1 Gast/Gäste